交差

交差

係係係,第一句係o黎一個鄭重道歉先,消失o左咁鬼耐呀下...既然好朋友出到聲叫我寫無理由做少少o野都托手踭o既係咪先…不過要講真係匹布咁長,所以都係從簡啦…(但我諗都不過係將幾十匹布縮做一匹咁囉……)
今天睇o黎要破下例講多d facts…

o拿俾d時間我解釋下事發經過…

結果十二月二十七號我跛跛下攞住拐杖去旅行一個月有多,路線如下:

1. 巴黎Paris(10天)
借宿別處友善款待越南菜家常小菜旺角黑夜香港劇集竟飄來家鄉的味道;鐵塔Eiffel Tower(諗起伍詠薇…)到此一遊捱更抵冷三小時,偏獨愛其閃光塔上放聲唱歌;香榭麗舍大道Champs Elysee火樹銀花慶幸有好友伴我走過;羅浮宮Louvre眼花撩亂沒完沒了,蒙羅麗莎微笑前的人頭比本人更令人興奮;凡爾賽宮Versailles廣闊壯麗卻欠陽光鮮花好天氣;國家歌劇院Opera富麗堂皇美侖美奐只恨錯過摩登劇場創意無限;聖母院Notre Dame宏偉無比但更愛附近街頭Nutella Crepes;被Turkish餐廳老闆拐帶後深深不憤,與Best friend男友再戰Foundue跟Raclett;家中料理打邊爐卻變日式火鍋溫馨不改;龐比度Pompidou Modern Art Museum估你唔到夠好玩夠型!紅磨坊Moulin Rouge只能路過……重點活動協和廣場Place d’ la Concorde與好友熱熱鬧鬧倒數新年舉Mars Delight慶祝…獨遊聖心院安靜神聖蒙馬特Monmarte看迷霧中的巴黎全景…路邊畫家與咖啡座頓成至愛就讓圖畫把它收藏…

2. 捷克: 布拉格Prague(3天)
與Vincent踏上長征;Prague Castle名不虛傳;價廉物美: 10蚊頸巾5仙麵包問你見過未?Black Light Theatre可以飲汽水大聲笑老少咸宜……時間唔夠!

3. 捷克: Kutna Hora(即日來回)
人骨教堂名不虛傳…未開口阿姐已經知我o地問乜!

4. 捷克: Cesky Krumlov(1天)
再遇Casper新相識阿金好玩新組合;藍天白雲下彩色別緻建築彷如置身積木世界!最愛悠然自得小巷風情……

5. 奧地利: 維也納Vienna(4天)
四個女人首要事項竟是急不及待齊齊Shopping?!音樂之都大失所望;只怪我嫌棄強悍粗獷獨愛巴黎精緻細膩;Vienna Phil門票欲購從速未得見廬山真面目;音樂博物館如獲至寶樂而忘返;St Stefansdom高聳入雲裝修之餘更掛上巨型海報令人爆粗;遺憾未見貝多芬小徑與故居錯過加倫山日落……難忘再遇熊貓再踏劇場看西西(Sisi)故事不過不失,同場加映共渡一宵…呵呵!

6. 奧地利: 薩爾斯堡Salzburg(3天)
Sound of Music未見音樂處處但見雪山背景下一切盡收眼底;綠草如茵陽光普照四名傻婆相機前亂叫亂跳玩足半日令遊客或嚇死或笑到碌地;橫街窄巷夕陽斜照風情萬種店舖工藝精巧目不暇給…送別兩個芬蘭女孩繼續上路

7. 奧地利: 恩斯布魯克 Innsbruck(路過…)
臨時變陣手忙腳亂全城關閉無處容身得泰國男子相助驚險不已睡不安穩…

8. 奧地利: Bludenz (1天)
奧地利蕭亮Thanksgiving一面之緣竟熱情款待;雪山良晨美景再加Jagatea自是醉倒;Milka市場大特賣購入大量脂訪;拜訪家人蘋果批Vanilla sauce津津有味;女友品味十足理想居室碰碰酒杯閒話家常;飯後甜品The Patriot竟然聽不明半句要靠Danish字幕?!豐富早餐下看窗外白雪無聲飄降寫意無限時間突然靜止

9. 瑞士: Luzern(3天)
冬天遊河幸得天公造美白雪皚皚迷人依舊;餵惡天鵝遭咬袋待遇白鴿猖狂動物本性盡現眼前;歷史博物館演員guided tour再加bar code資料饒有新意;偶遇蘇黎世退休banker附送遊車河看最全瑞士最大修道院之彌撒,路過Heidi作者家門外感激不盡;踏遍及膝白雪一雙爛鞋濕透……

10. 瑞士: Interlaken(1天)
無甚特別搜尋瑞士刀及Swatch依舊……

11. 瑞士: 少女峰Jungfrau(即日來回)
到達Top of Europe風速190負十二度巧遇香港人極速在室外拍照留念急忙逃離現場;冰宮殿折冰棒留念回歸故地冰雕遠遜哈爾濱;冰凍蜜糖加新鮮白雪叫中國藉女士甲躍躍欲試

12. 瑞士: 蘇黎世Zurich(即日來回)
物價高漲名不虛傳朱古力百二蚊100g唔好去搶?!廣場小巷色彩繽紛才真正吸引;塔頂一睹全景不枉此行

13. 瑞士: Grindewald(即日來回)
認識清華+LSE猛料中國男生同遊上山滑雪;破財之餘辛苦不已貼錢買難受仍期待再接再厲;慰勞自己芝士火鍋酒味太濃倒愛上淡淡地道啤酒

14. 瑞士: 貝爾尼Bern(1天)
小鎮一個倒也可愛仍記得教堂門外彩繪雕塑與木刻小店;擋不住熱辣辣比利時Waffle誘惑;國會華麗難以置信令人想投身政界?!輕盈通透雪花靜靜飄落被溫柔微風飛進夕陽餘暉閃閃生輝把我捲進金沙似的漩渦

15. 瑞士: Schaffhausen(稍停中途站)
萊恩最大瀑布氣勢磅礡湧流進茫茫大海回歸平靜;陽光躲於山峽背面還是燦爛;短短三小時速去速回但於願足矣!

16. 德國: 庫辛Fussen(1天)
旅館驚雲卻是誤會一場卻多得醫生老伯收留;Summer house冰凍被鋪枕頭也好比凍死街頭;得見名不虛傳新舊天鵝堡猶如置身童話竟不禁大肆揮霍;未算瑰麗堂皇但小家碧玉絕不失禮壁畫主題細琢木刻色彩花紋浪漫故事滿載而歸…

17. 德國: 慕尼克Munich(2天)
地道non-professional tour guide一名共遊此地;碰上七年一度民族舞蹈運氣不凡;著名酒館地道Bavarian即席借女model示範白色慕尼黑腸獨有食法,詳見見死不救二人組之爆笑Video;大學內簡述大戰英雄史竊聽音樂會選段;假扮教授學生喝過香滑朱古力融入學生生活;再會美女Caroline,陽光大男孩Mattias加可愛女友Kristina,Stefan廚藝技驚四座但所有中國食品全屬假貨…?!旅館新相識柏林男子四處亂闖有說有笑難得解說詳盡;modern art museum內新奇有趣奇在竟有PS2及中國燒衣紙紮?!

返到丹麥o既時候係1月31朝,o個日下午就上堂。

現時take緊o既Courses又如下:
1. Russian Literature
第一個星期Quiz第二個星期交paper第四個星期交term paper唔係人咁品…雖然Prof.有料但無計,時間關係都係要drop o左佢…而佢最精彩o既Russian Trip,我己經無錢去o勒……

2. Piano Lesson
半個鐘per week,彈緊Bach o既Partita in C minor…發現真係好爛呀下我琴…

3. Theories in Cultural Studies
頗精彩而且精簡o既文化研究入門作…本書400頁,真係擺o係度看門口都好…繼Dualism Phenomenology Existentialism Frankfurt School Marxism 而家去到 Neo-Marxism就到Birmingham School o勒死未…!!!

4. Sexuality Representation in U.S. Literature
Sexuality乃本人甚有興趣之題目,但搵唔到書所以乜都無prep就上堂…Well…至少會睇完 “The Hours” I think…?

5. Intersubjectivity
一個Philo到不得了(個Prof.係做Phenomenology o既Theology Professor) o既PSY course,有我有興趣o既empathy同Theory of Mind等topic,又會提及Autism…但so far仲係同Merleau-Ponty/Heidegger/Sartre搏鬥緊…忽然想念empirical evidence…

6. Personality Theories in Therapy Treatment of Torture Survivors
第一日去上堂發現Professor竟然係去o左旅行未返.今個禮拜四第一堂,基於首次實況接觸Clin Psy加上有Guest Lecturer令我頗充滿期待……

與此同時Regularly仲會去隔離學校—CBS (Copenhagen Business School)練international choir(Instructions in English,多d international students同埋比較social同玩票性質),亦會練我上個sem練開o既KU (København Universitet OR University of Copenhagen) choir, MUKO(All music major, All Danish,d歌難唱好多但水準亦高好多). CBS choir會o係3月有一個o係丹麥北邊o既choir weekend(類似camp),同埋4月3號有concert.KU會o係3月31-4月3號去柏林Berlin表演,但係我無錢去o路,廢事俾錢淨係去Rehearsal.(佢o地呢度唔興 “安排”o野咖,去到都怕且一係hea一係rehearsal一係就bar…悶死…我自己去旅行會好好多囉……)但係佢o地4月11號o既Concert就死都去,因為會夾Orchestra一齊表演,超威……!!!今個sem太忙都無乜時間周圍搵Concert聽o勒,不過都叫做keep住有做關於音樂o既事…especially學返琴!!!好在而家o係Winki同Vincent度借住有部琴可以彈下…!!!

講起住,一返到o黎就搵樓,但結果成個二月好快就過o左,三月一日又係另一個入伙期,所以我今日好癲咁一放學6點幾睇o左四個地方成十點幾先返到屋企!!!!!!至於一切仲未塵埃落定,有好消息我會話俾大家知咖o勒…應該都會係呢幾日內決定!!!

另外就係基於我旅行用o既Eurail Pass(大家如果有任何有關歐遊o既o野想知道我絕對樂意為大家解答)仲有幾日可以用,於是我當然唔放過機會趁一個weekend(其實係走堂)再旅行多五日(2月15-21):

1. 漢堡Hamburg
孤身相路幸有音樂相伴不怕寂寞;火車解體逐卡越洋送抵德國得見水平線;與比利時德國先生跟丹麥家庭無所不談獲益良多;Hamburg新舊夾雜聯想香港景況,同以海港著名卻遠不及自己老家;撞入新奇小店有毛主席袋對聯兩行繡花鞋花露水海報意想不到;二次大戰遺跡為歷史見證,沙啞鐘聲響遍全城;Bismarck聞名不如見面;螢幕似的Coffee Shop把生活框起來亦真亦假;Reepabahn夜夜笙歌Sex shops機舖食肆Casino十足旺角feel滿足晒你所有慾望;一鼓作氣闖入優皮裝潢(le comme ca感覺)Sex shop百貨大開眼界,偷拍video後逃離現場,成功購得神秘戰利品爆笑不能自已;Gay and les小巷鬼鬼祟祟,即時報應鞋底中招,Scheisser!

2. 恩斯布魯克Innsbruck
滯留慕尼黑首要任務乃蒐集藍精靈;多得開心樂園餐淪落至滿手茄汁與日本男生打開話題盒子,日語會話大派用場?!重遊舊地再遇好友三人共進午餐嘩Nice to meat you?!又見Colorful小屋唯龐大雪山背景無處可逃乍驚乍喜;重溫二人世界了無定向河畔散步詳談感受;放棄水晶水界漫遊金色屋頂石板街道;咖啡室對坐腸胃不妥赫然記起世界某飲品名檸檬茶;到訪hostel臨時關閉無家可歸此地著實妖邪;借住友人家中因禍得福

3. Axam
舒適大宅熱情款待窗外一片美景靜待明晨;聽從勸告捨滑雪取Sledging刺激有餘危險太過;日本友人滑過奧林匹克賽道勇氣可嘉;寒風中分道揚鏣離別依依仍慶幸緣份引牽

4. 柏林Berlin
期待已久重逢之前緊張不已;重逢之後一齊自然未作遊客只管生活,首要活動是爭取睡眠;驚險之際為好友買下長靴大肆破費;柏林影展看餃子捧楊千嬅零演技,有人途中暈倒才是好戲所在;慶幸參與盛事且結得良朋;翌日充當傭人煮早餐收拾行理hea上半天才得Wansee散心;晚上造訪盡得麵餅真傳配搭火鍋取暖;久違日本動畫無比親切但摯友能量見底;被拋棄後出現拘捕驚雲,半帶倒霉也不失幸運;多得新朋友相救相送,自問遊子心野未想歸家

好o勒,講住咁多先.詳情太複雜,恕難盡錄;現時好友正密鑼緊鼓籌劃出書,屆時煩請多多幫襯,多謝各位.